गर्मीका कारण बङ्गलादेशमा विद्यालय पुनः बन्द गर्न अदालतका आदेश

अन्तर्राष्ट्रिय

गृहपृष्ठ
अन्तर्राष्ट्रिय

गर्मीका कारण बङ्गलादेशमा विद्यालय पुनः बन्द गर्न अदालतका आदेश

Parsa Online मंगलबार, वैशाख १८, २०८१

बङ्गलादेशको एक अदालतले गर्मीका कारण देशभरका विद्यालय बन्द गर्न आदेश दिएको छ । यस अघि सरकारले अत्याधिक गर्मीका कारण बन्द गरेका बिद्यालय हिजोदेखी खुलाउने निर्णय गरेको थियो । तर अदालतले गर्मी कम नभएको भन्दै आउँदो आइतवारसम्म देशभरका सबै बिद्यालय बन्द गर्न आदेश दिएको बीबीसी हिन्दीले जनाएको छ ।

यस अघि तातो हावा चल्दा बिद्यार्थी र शिक्षकको समेत ज्यान गएको पुष्टि भएपछि सरकारले एक हप्ताका लागि बिद्यालय बन्द गरेको थियो । पछिल्लो एक हप्तामा राजधानी ढाकाको औसत तापक्रम ३० वर्षको औसत तापक्रमभन्दा ४ देखी ५ डिग्री सेल्सियसले बढी रहेको छ ।

अत्याधिक गर्मीका कारण अप्रिल महिनामा मात्रै कम्तीमा सात जनाको ज्यान गएको बङ्गलादेशका अधिकारीहरुलाई उद्धृत गर्दै बीबीसीले जनाएको छ । बङ्गलादेशको मौसम विभागले आउँदो बिहीवारसम्म तापक्रम नघट्ने जनाएको छ । यस्तै गर्मी बढेपछि फिलिपिन्सको सरकारले पनि बिद्यालय बन्द गरेको छ ।

यस्तै म्यानमारमा पनि गर्मी अत्याधिक बढेको छ । हिजो म्यानमारको चाउक सहरको ताक्रिम अहिलेसम्मकै धेरै ४८ डिग्रि सेल्सियस पुगेको थियो ।

प्रकाशित मिति: मंगलबार, वैशाख १८, २०८१ ०९:४५