पोखरीयाको प्राचिन शिव मन्दिरमा पहिलो पटक 'शिव पुराण' महायज्ञ सम्पन्न

धर्म /संस्कृति

गृहपृष्ठ
धर्म /संस्कृति

पोखरीयाको प्राचिन शिव मन्दिरमा पहिलो पटक 'शिव पुराण' महायज्ञ सम्पन्न

शैलेश गुप्ता शुक्रबार, वैशाख २१, २०८१

पर्सा जिल्लाको पोखरीया नगरपालीकामा अवस्थित प्राचिन शिव मन्दिरमा पहिलो पटक "शिव पुराण" महायज्ञ सम्पन्न भएको छ ।

जिल्लाको दोस्रो सदरमुकामको रुपमा चिनिने पोखरीया बजार क्षेत्रमा नवनिर्मित शिव मन्दिरमा बिहिबार राति पुर्णआहुति गर्दै शिव पुराण महायज्ञ सम्पन्न भएको छ ।

गत शुक्रवार प्राचीन शिव मन्दिरमा प्राणप्रतिष्ठान सम्पन्न भएलगत्तै मन्दिरमा शिव पुराण महायज्ञका आयोजना गरिएको थियो ।

प्राचीन शिव मन्दिरमा समस्त शिव परिवारको स्थापना गरिए सँगै मन्दिरको पोखरेश्वर महादेवको नामले नामकरण गरिएको शिव परिवार प्राणप्रतिष्ठानका आयोजक तथा पोखरिया नगरपालिकाका नगर प्रमुख प्रद्युमन प्रसाद चौहानले बताए ।

महायज्ञमा आएका साधु संत, पुरोहित,समाजसेवी, गुरुवर्ग , ब्राह्मण समाजलाई गमछा ओढ़ाई भोजन दक्षिणा दिइ सम्मान सहित बिदाई गरिएको थियो ।

महायज्ञको पूर्णआहुतिमा नगर प्रमुख प्रद्युमन प्रसाद चौहान , उप प्रमुख रूबी ठाकुर, वडा अध्यक्ष प्रमोद गिरी, केदार महतो चाई, लक्षण साह कानू, पूर्व प्रदेश सांसद प्रह्लाद गिरी , दीपक ठाकुर, पारस ठाकुर, निरज ठाकुर,महिला नेत्री आसा देवी चौहान, समाज सेवी सुजीत गिरी, लगाएतको सहभागिता रहेको थियो ।

सो महायज्ञमा जगदम्बा जागरण ग्रुप एवं हनुमान आराधना मण्डल बहुदरमाई नगरपालिका २ स्थित ध्यानसिंह पिपराको मण्डलीले मन्दिरमा पहिलो पटक झाकी कार्यक्रम प्रस्तुत गरेको थियो । झाकी कार्यक्रममा स्थानीय दर्शनार्थीहरुको उल्लेखनीय सहभागिता रहेको थियो ।

प्रकाशित मिति: शुक्रबार, वैशाख २१, २०८१ ०९:३२

प्रतिक्रिया दिनुहोस्