दुध पिउने सही समय कुन हो ?

शिक्षा /स्वास्थ

गृहपृष्ठ
शिक्षा /स्वास्थ

दुध पिउने सही समय कुन हो ?

Parsa Online सोमबार, वैशाख ३१, २०८१

दुधमा क्याल्सियम, भिटामिन बी १२, के, ए, पोटाशियम र सोडियम जस्ता पोषक तत्व पाइन्छन् ।

केही रोग तथा एलर्जीको समस्यामा बाहेक बच्चादेखि बुढासम्मलाई दुधले फाइदा गर्दछ । यसलाई सही समयमा पिउँदा फाइदा दुईगुणा बढेर जान्छ ।

विशेषज्ञअनुसार यसलाई पिउने सही समयका बारेमा जानौं ।

दुध कुन समयमा पिउने भन्ने तपाईंको शरीरको प्रकृतिमा पनि निर्भर हुन्छ । आयूर्वेद अनुसार पढ्ने बच्चाले गाईको दुध पिउनुपर्दछ भने निद्राको कमी र कब्जियतको समस्याले ग्रस्त व्यक्तिले भैंसीको दुध पिउनु फाइदाजनक हुन्छ ।

रातको समयमा दुध पिउँदा यसले एउटा आहारको रुपमा काम गर्दछ । त्यस्तै रातको समयमा दुध पिउनु आँखाका लागि पनि फाइदाजनक हुन्छ । यसले आँखाको स्वास्थ्य राम्रो बनाउँछ ।

दुध पिउँदा हड्डी र मांसपेशी बलियो हुन्छन् । यस्तोमा नियमित रुपमा दुध पिउनु स्वास्थ्यका लागि एकदमै धेरै फाइदाजनक हुन्छ ।

कतिपय मानिस एकदमै धेरै मसालेदार खाना मन पराउँछन् । जसले गर्दा कब्जियतको समस्या हुन थाल्छ । त्यस्ता व्यक्तिले रातको समयमा दुध पिउनु पर्दछ ।

धेरैलाई अहिले अनिद्राको समस्या पनि हुन्छ । यस्ता व्यक्तिले पनि रातमा सुत्नुअघि भैंसीको दुध पिउन सकिन्छ । यसले अनिद्राको समस्यामा सुधार ल्याउँछ ।

यदि तपाईंलाई कफ तथा पित्त दोषको समस्या छ भने दिउँसोको समयमा दुध पिउनु फाइदाजनक हुन्छ । यसले यी समस्याबाट राहत दिलाउँछ ।

प्रकाशित मिति: सोमबार, वैशाख ३१, २०८१ ०४:०५

प्रतिक्रिया दिनुहोस्