म चाहन्छु सबै कलाकारको फिल्म चलोस्,रुँदै हिँड्न नपरोस् : समीक्षा अधिकारी

मनोरञ्जन / सौन्दर्य

गृहपृष्ठ
मनोरञ्जन / सौन्दर्य

समीक्षा अधिकारी म चाहन्छु सबै कलाकारको फिल्म चलोस्,रुँदै हिँड्न नपरोस् : समीक्षा अधिकारी

Parsa Online मंगलबार, असार ११, २०८१

गायिका समीक्षा अधिकारीले सबैको चलचित्र चलोस् र रुँदै हिँड्न नपरोस् भन्दै सामाजिक सञ्जालमा एक स्टाटस लेखेकी छिन । गायिका अधिकारी बेलाबेला आफ्नो सामाजिक सञ्जालमार्फत आफ्ना मनका धारणाहरू व्यक्त गरिरहन्छिन् ।

अधिकतम समय उनले आफूले लेखेको स्टाटस कसका लागी लेखेकी हुन भन्ने छनक मिल्छ । तर यो पटकको स्टाटस भने उनले कसलाई लेखेकी हुन भन्ने बुझ्न गाह्रो छ। न त उनी स्वयंले स्टाटसमा कसैको नाम नै खुलाएकी छिन ।

उनले सबैलाई एक दिन मर्नु नै छ भन्दै लेखेकी छिन,‘बाँचुन्जेली रिस-राग र डाह मनमा पालेर के नै हुन्छ र ? असफल हुँदा खुसी हुनेहरू धेरै भेटिन्छन् । थोरै पनि सफलता मिल्दा खुट्टा तान्नेहरू झनै कत्ति कत्ति। म चाहन्छु, सबै कलाकारहरूलाई सफलता मिलोस् । उहाँहरूको गीत चलोस् । फिल्म चलोस् । रुँदै हिँड्न नपरोस् ।’

उनले सबैलाई शुभकामनासहित आफ्नो उदाहरण पनि पेश गरेकी छिन ।

उनले लेखेकी छिन,‘म त झन् उठ्नै लाग्दा बेस्सरी ठेस लागेर लडेकी चेली पो हुँ त। मलाई उठ्न धेरैले हात दिनुभएको छ। साथ दिनुभएको छ। यसै कारण म संसारकै भाग्यमानी छु झैँ लाग्छ।’

समीक्षा अहिलेकी व्यस्त गायिकाको लिस्टमा पर्छिन्। केही समय धरमराएको उनको करियरले अहिले फेरि पिकअप लिएको छ।

उनी अहिले दैनिक रूपमा कम्तीमा पनि २ देखि ३ वटा गीतहरू रेकर्ड गराइरहेकी हुन्छिन्। उनले पछिल्लो समय गाएको चलचित्र ‘बोक्सीको घर’ मा समावेश गीत ‘बुजिन मैले’ हिट छ।

प्रकाशित मिति: मंगलबार, असार ११, २०८१ १७:०६