पशुपतिमा तिजका लागि तीन बजदेखि नै चारै ढोका खुल्ने

धर्म /संस्कृति

गृहपृष्ठ
धर्म /संस्कृति

पशुपतिमा तिजका लागि तीन बजदेखि नै चारै ढोका खुल्ने

Parsa Online बिहीबार, भदौ २०, २०८१

काठमाडौँ- शुक्रबारका लागि हरितालिका तिजको तयारी अन्तिम चरणमा पुगेको पशुपति क्षेत्र विकास कोषले जानकारी दिएको छ।

पशुपति क्षेत्र विकास कोषका सदस्यसचिव मिलनकुमार थापाले तिजका लागि आवश्यक पर्ने सुरक्षा, स्वयंसेवा, चन्दन प्रसादको व्यवस्था, दर्शन मागको व्यवस्थापन अन्तिम चरणमा पुगेको बिहीबार आयोजित पत्रकार सम्मेलनमा जानकारी गराएका छन्।

पशुपतिनाथको दर्शन गर्न आउने दर्शनार्थीहरुको सुविधाका गौरीघाट–उमाकुण्ड–दक्षिणामूर्ति–रुद्रगाडेश्वर–वानकी हुँदै उत्तरढोकाबाट मन्दिर प्रांगण प्रवेश गरी पश्चिम मूल ढोकाबाट बाहिर निस्किएर कैलाश दक्षिण वृत्त जुत्ताचप्पल कक्षबाट फर्कने व्यवस्था मिलाइएको उनले जानकारी दिए।

त्यस्तै मित्रपार्क, जयवागेश्वरी–गौशाला–भुवनेश्वरी–शकराचार्यमठ दक्षिण हुँदै फलामेपुल–पश्चिम सानो ढोकाबाट मन्दिर प्रांगण प्रवेश गरी पश्चिम मूल ढोका हुँदै बाहिरिने र शंकराचार्य मठ दक्षिण जुत्ताचप्पल कक्षबाट जुत्ता चप्पल लिई फर्कने व्यवस्था मिलाइएको छ।

पिंगलास्थानबाट बनकाली, चारशिवालय–पञ्चदेवलपूर्व–बजघर–दक्षिण ढोकासम्मको लाईनलाई चौसट्टी सानोढोकाबाट मन्दिर प्रांगण प्रवेश गरी दक्षिण ढ‍ोका हुँदै बाहिरिने र पञ्चदेवल पूर्वदक्षिण निर्माण गरिएको जुत्ता–चप्पल कक्षबाट फर्कने व्यवस्था मिलाइएको छ। बिहान ३ बजे नै देखि पशुपतिनाथका चारै ढोका खला हुने पनि कोषले जानकारी दिएको छ।

प्रकाशित मिति: बिहीबार, भदौ २०, २०८१ १४:३७

प्रतिक्रिया दिनुहोस्