ठोरीमा महावीर पुनका ४९५ वटा पुस्तक बिक्री

समाचार

गृहपृष्ठ
समाचार

ठोरीमा महावीर पुनका ४९५ वटा पुस्तक बिक्री

Parsa Online आइतबार, भदौ ३०, २०८१

ठोरी, राष्ट्रिय आविष्कार केन्द्रका सञ्योजक डा महावीर पुनको पुस्तक बिक्री अभियान ठोरीमा भव्यताका साथ सम्पन्न भएको छ ।

सुवर्णपुरस्थित ज्ञानवाटिका माविबाट शुक्रवार शुरू भएको पुस्तक बिक्री अभियान ठोरीको दीपकनगर हुँदै वर्णमाला स्कूलमा पुगेर समापन भएको थियो ।

डा महावीर पुनको जीवनीमा आधारित ४९५ वटा पुस्तक बिक्री भएको पुनका सहयोगी हीरा पुनले बताए । ठोरीमा पुस्तक खरीद गर्ने उत्साही भीड देख्दा डा पुन निकै हर्षित भएका थिए । उनले ठोरीका जनता अत्यन्त सकारात्मक र उत्साहित भएको देख्दा आफूलाई थप प्रेरणा मिलेको बताए । डा पुनले ठोरीका विभिन्न विद्यालयहरूमा पुगी विशेषरूपमा विद्यार्थीहरूलाई सम्बोधन गर्दै आफ्नो जीवनीबाट प्रेरणा लिन आग्रह गरे । विद्यार्थीहरू पनि सधैं किताबका पानामा मात्र देख्ने डा पुनलाई प्रत्यक्ष देख्न पाउँदा अत्यन्तै हर्षित र उत्साहित भएका थिए ।

हीरा पुनका अनुसार वीरगंजमा छ दिनसम्म चलेको पुस्तक बिक्री अभियानमा एक हजार ३०० वटा मात्र पुस्तक बिक्री भएको थियो । ठोरीमा एकै दिनमा ४९५ वटा पुस्तक बिक्री हुँदा आविष्कार केन्द्र खुशी भएको छ ।

ठोरी गापा कार्यालय, ज्ञानवाटिका, ज्ञानज्योति, ओडार, सरस्वती, दीपकनगर मावि, केही वित्तीय संस्था, स्थानीय चोक–चौतारा आदि स्थानहरूमा पुस्तक बिक्री भएको थियो । ठोरीमा डा महावीर पुनको अभियान भव्यताका साथ सम्पन्न भएको छ ।

सामाजिक कार्यकर्ता सन्तोष श्रेष्ठले समन्वय गर्दै ठोरीका विभिन्न निकायमा डा पुनलाई पु¥याएर पुस्तक बिक्री अभियानमा सहजीकरण गरेका थिए ।

प्रकाशित मिति: आइतबार, भदौ ३०, २०८१ १२:१९

प्रतिक्रिया दिनुहोस्