पर्साको पटेर्वासुगौली निचुटामा दलितहरूले छुट्टै दुर्गा पूजा शुरू गरे

समाज

गृहपृष्ठ
समाज

पर्साको पटेर्वासुगौली निचुटामा दलितहरूले छुट्टै दुर्गा पूजा शुरू गरे

Parsa Online सोमबार, असोज २१, २०८१

पटेर्वासुगौली गाउँपालिका–५ निचुटामा दुई जातिका मानिसहरू छुट्टाछुट्टै दुर्गा पूजा गरिरहेका छन् ।

आफूलाई उच्च जाति भएको दाबी गर्नेहरूले दलितलाई वेदी पूजामा समावेश गर्न नमानेपछि दलितहरूले यस वर्षदेखि छुट्टै दुर्गा पूजा शुरू गरेका हुन् । यस अघिका वर्षमा दुवै जातिका मानिसहरू कलशयात्रालगायतमा सहभागी हुने तर दलितलाई वेदी पूजामा सहभागी गराइँदैन थियो ।

यस वर्ष दलितहरूले पूजाका सबै विधिमा सहभागी गराउने तर मूल विधिमा सहभागी नगराएकोमा आपत्ति जनाउँदै त्यसमा पनि सहभागिताको लागि दाबी गरेका थिए ।

वडाध्यक्ष तथा पूजा समितिका अध्यक्ष विपिन मुखियाले आफूले दुवै समुदायलाई सम्झाएको तर एकसाथ पूजामा बस्न एउटा समुदाय नमानेको बताए । उनले दलितहरूलाई उनीहरू मात्र सहभागी भएर वेदी पूजा गर्न सुझाएको तर दलितहरू पनि एक्लै नबस्ने दुवै जाति साथै बस्नुपर्ने अडान लिएपछि यस वर्षदेखि दलितहरूले पनि छुट्टै दुर्गापूजा शुरू गरेको बताए ।

दलिततर्फबाट पूजा समितिका जग हजराले वेदी पूजामा पनि दलित सहभागिता माग गर्दा नमानेपछि अलग पूजा गरेको बताए । उनले कलशयात्रालगायतका कार्यमा कुनै भेदभाव नहुने तर वेदी पूजामा उनीहरू मात्रै बस्दै आएकामा यस वर्षदेखि दलितहरू मात्रै बसेर पूजा गर्न मानेका तर आफूहरूले दुवै जाति एकसाथ पूजा गर्नुपर्ने शर्तमा अडिग हँुदा कुरा नमिलेर छुट्टै पूजा गर्नुपरेको बताए ।

प्रकाशित मिति: सोमबार, असोज २१, २०८१ ०८:४२

प्रतिक्रिया दिनुहोस्