काठमाडौं- कपिलवस्तु, शिवराज नगरपालिका-१ भाईरलडाँडास्थित सडकमा लु.२ ख २१४२ नम्बरको बस र रा.७ प ३४८ नम्बरको मोटरसाइकल एकआपसमा ठक्कर खाई बुधबार दिउँसो दुर्घटना हुँदा मोटरसाइकल चालक दाङ राप्ती गाउँपालिका-४ मौरिघाट बस्ने २८ वर्षीय लिलाराम कुँवरको मृत्यु भएको छ ।
दुर्घटनामा गम्भीर घाइते भएका उनको आधारभूत स्वास्थ्य सेवा अस्पताल चन्द्रौटामा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकलमा सवार १ जनालाई सोही अस्पताल हुँदै थप उपचारको लागि सौराहा अस्पताल बुटवल पठाइएको छ । बस चालकलाई प्रहरीले नियन्त्रणमा लिएको छ ।
झापा, कमल गाउँपालिका-४ केर्खा चोकस्थित सडकमा प्र.१-०१-००१ ख ४३३१ नम्बरको बसले ईलेक्ट्रोनिक साइकललाई बुधबार साँझ ठक्कर दिँदा साइकलमा सवार सोही गाउँपालिका-३ सानो केर्खा बस्ने टेक बहादुर लिम्बु र उनकै ९ वर्षीया नातिनीको घटनास्थलमै मृत्यु भएको छ । बस चालकलाई प्रहरीले नियन्त्रणमा लिएको छ ।
सप्तरी, खडक नगरपालिका-११ बनौलीस्थित सडकमा बा.९१ प ८५९६ नम्बरको मोटरसाइकलले पैदलयात्रीलाई ठक्कर दिई दुर्घटना हुँदा मोटरसाइकलमा सवार शम्भुनाथ नगरपालिका-११ राजपुर बस्ने ४० वर्षीय छेदिलाल मरिकको बुधबार राति मृत्यु भएको छ । दुर्घनामा गम्भीर घाइते भएका उनको छिन्नमस्ता अस्पताल राजबिराजमा उपचारको क्रममा मृत्यु भएको हो । साथै दुर्घटनामा घाइते भएका पैदलयात्रीको सोही अस्पतालमा उपचार भइरहेको छ । हाल फरार मोटरसाइकल चालकको प्रहरीले खोजी गरिरहेको छ ।
बाजुरा, जगन्नाथ गाउँपालिका-५ भुकाखोलास्थित सडकमा कालिकोटबाट बाजुरातर्फ आउँदै गरेको क.प्र.०२-००१ प ४८१ नम्बरको मोटरसाइकल अनियन्त्रित भई बुधबार राति दुर्घटना हुँदा चालक कालिकोट सान्नित्रिवेणी गाउँपालिका-८ बस्ने ३० वर्षीय खेमराज बुढाको मृत्यु भएको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।
मृत अवस्थामा फेला
कपिलवस्तु, शिवराज नगरपालिका-६ बिरपुरस्थित अटल प्लाई फ्याक्ट्रीमा लेवर काम गर्ने रूपन्देही तिलोत्तमा नगरपालिका-९ बस्ने २८ वर्षीय अशोक चौधरी सोही फ्याक्ट्रीमा बुधबार मृत अवस्थामा फेला परेका छन् ।
झापा, कमल गाउँपालिका-३ केर्खा चोक डेरा गरी बस्ने ताप्लेजुङ सिरीजंघा गाउँपालिका-१ घर भएका ५७ वर्षीय तिलध्वज लिम्बु आफ्नै कोठामा बुधबार मृत
अवस्थामा फेला परेका छन् ।
बाँके, कोहलपुर नगरपालिका-१४ बैजानाथपुर बस्ने ३७ वर्षीय चन्द्र बहादुर बिक आफ्नै घरमा बुधबार मृत अवस्थामा फेला परेका छन् ।
डडेल्धुरा, पर्शुराम नगरपालिका-५ परिगाउँ बस्ने ५३ वर्षीय खेम सिंह पाली सोही नगरपालिका-६ करालीस्थित महाकाली नदीको किनारमा बुधबार मृत अवस्थामा फेला परेका छन् ।
जाजरकोट, नलगाड नगरपालिका-५ नलगाड खोला नजिक सडकमा हाल नाम, थर, वतन नखुलेका अन्दाजी ४५ वर्षीय पुरूष बिहीबार मृत अवस्थामा फेला परेका छन् ।
काठमाडौं, कागेश्वरी नगरपालिका-३ महादेब खोलास्थित खेतमा हाल नाम, थर, वतन नखुलेका अन्दाजी ३५ वर्षीय पुरूष बिहीबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।
