काठमाडौँ । भिटामिन बी हाम्रो शरीरको लागि एक आवश्यक पोषक तत्त्व हो, जुन धेरै प्रकारका भिटामिनहरूको समूह हो। जसमा बी१, बी२, बी३, बी५, बी६, बी७, बी९ र बी१२ समावेश छन्।
यसले हाम्रो शरीरलाई स्वस्थ राख्न महत्वपूर्ण भूमिका खेल्छ, जसमा भिटामिन बी६ (Pyridoxine) एक पोषक तत्त्व हो जसले शरीरमा प्रोटिन, मेटाबोलिजम्, स्नायु प्रणाली र प्रतिरक्षा प्रणालीलाई बलियो बनाउँछ। यसको कमीले थकान, कमजोरी, चिडचिडापन र रक्तअल्पता जस्ता समस्या निम्त्याउन सक्छ।
तसर्थ शरीरमा यसको कमीका कारण समस्या आउन सक्छ । केही फलफूलहरू छन्, जसको नियमित सेवनले शरीरमा कहिले पनि भिटामिन-बी६ को कमी हुँदैन। आउनुहोस् यी फलफूलको बारेमा थाहा पाउनुहोस्।
केरा- भिटामिन बी६ मा भरपुर केराले मस्तिष्क स्वास्थ्य र मुडलाई सुधार्न मद्दत गर्छ। एउटा मध्यम आकारको केराले हामीलाई ०.४ मिलिग्राम भिटामिन बी६ प्रदान गर्छ। यसले पाचन क्रियालाई बढवा दिनुका साथै ऊर्जा प्रदान गर्छ ।
मेवा- मेवा एन्टिअक्सिडेन्टका साथै भिटामिन सी र भिटामिन बी६ को राम्रो स्रोत हो। एक कप मेवा खाँदा ०.१ मिलिग्राम भिटामिन बी६ पाइन्छ, जसले प्रतिरक्षा शक्ति बढाउँछ र पाचन प्रणालीलाई पनि स्वस्थ राख्छ ।
खरबुजा – यसमा प्रशस्त मात्रामा पानीको साथसाथै यसमा भिटामिन बी६ राम्रो मात्रामा पाइन्छ, जसले शरीरमा ऊर्जा बढाउन र हाइड्रेसन कायम राख्न मद्दत गर्छ र मानसिक स्वास्थ्य र प्रतिरक्षा शक्तिलाई बलियो बनाउँछ ।
स्ट्रबेरी- स्ट्रबेरीमा भिटामिन बी६ र एन्टिअक्सिडेन्ट प्रशस्त पाइन्छ, जसले छालाको स्वास्थ्य कायम राख्छ र रक्तसञ्चारलाई बढवा दिन्छ।
नरिवल- ताजा नरिवलको सेवनले शरीरमा बी६को मात्रा कायम राख्छ, जसले ऊर्जा बढाउन र मेटाबोलिज्मलाई गति दिन मद्दत गर्छ।
सुन्तला- सुन्तला भिटामिन सी र बी६को उत्कृष्ट स्रोत हो, जसले प्रतिरक्षा प्रणालीलाई बलियो बनाउँछ र छालालाई नरम र चम्किलो राख्न मद्दत गर्छ।
भुईँ कटहर- भुईँ कटहरमा पाचन सुधार गर्ने गुण र भिटामिन बी६ राम्रो मात्रामा हुन्छ, जसले तनाव कम गर्न र मांसपेशीको थकान हटाउन मद्दत गर्छ।
आँप- आँप भिटामिन बी६ को एक धेरै राम्रो स्रोत हो, जसले शरीरमा रक्तसञ्चार सुधार गर्छ र मुटुलाई स्वस्थ राख्छ।
यी फलफूलको नियमित सेवनले भिटामिन बी६को कमी मात्र हटाउने होइन समग्र स्वास्थ्यलाई पनि फाइदा पुर्याउँछ।
