सङ्घीय मन्त्री गुप्ताद्वारा विराट कुस्ती दङ्गल मेलाको उद्घाटन

समाचार

गृहपृष्ठ
समाचार

कुस्ती दङ्गल मेला सङ्घीय मन्त्री गुप्ताद्वारा विराट कुस्ती दङ्गल मेलाको उद्घाटन

Parsa Online मंगलबार, कात्तिक २०, २०८१

वीरगञ्ज । सङ्घीय मामिला तथा सामान्य प्रशासन मन्त्री राजकुमार गुप्ताले आजबाट पर्साको विन्दवासिनी गाउँपालिकामा सुरु भएको विराट कुस्ती दङ्गल मेलाको गरेका छन् ।

कार्यक्रमलाई सम्बोधन गर्दै उनले कुस्ती खेललाई तराई-मधेसको सांस्कृतिक पहिचानको रूपमा व्याख्या गर्दै यसको संरक्षणको लागि युवा पुस्ताको सक्रिय सहभागिताको आवश्यकता औँल्याए ।

मन्त्री गुप्ताले खेलकुदलाई केवल प्रतिस्पर्धाको रूपमा नभएर, स्थानीय उद्योगको विकासको एउटा माध्यमका रूपमा पनि हेरिनु पर्ने बताए । उनले आयोजक र व्यवसायीलाई स्वदेशी कच्चा पदार्थमा आधारित उत्पादनहरूको प्रवर्द्धन गर्न र यसले आर्थिक विकासमा सकारात्मक प्रभाव पार्ने विश्वास व्यक्त गरे ।

उद्घाटन समारोहमा कुस्ती खेलाडीहरूको लडाइँबाट कार्यक्रमको आरम्भ भएको थियो । मन्त्री गुप्ताले उत्कृष्ट खेलाडीलाई सम्मान गर्दै, कुस्ती मेलामा नेपाल र भारतका विभिन्न स्थानबाट हजारौँ खेल प्रेमी र खेलाडीहरूको सहभागिता रहेको जानकारी दिए ।

मेलाले कुस्ती खेलको समृद्ध परम्परालाई जीवित राख्न र युवाहरूलाई व्यवसायमा संलग्न गराउन महत्त्वपूर्ण भूमिका खेल्ने अपेक्षा गरिएको छ । मन्त्रीले गुप्ताले मेलाले न केवल खेलकुदमा, वरन् स्थानीय संस्कृति र अर्थतन्त्रमा पनि योगदान पुर्‍याउने विश्वास व्यक्त गरे ।

साथै, मन्त्री गुप्ताले स्वदेशी उत्पादनलाई प्राथमिकता दिन र निर्यात प्रवर्द्धनका लागि सरकारी सहयोगको आवश्यकता रहेको उल्लेख गरे । कुस्ती खेलको महत्त्व र भविष्यका चुनौतीहरूको सामना गर्दै, मन्त्री गुप्ताले युवालाई खेलकुदमा संलग्न गराउन र स्वास्थ्यप्रद जीवनशैलीमा साक्षी बन्न आग्रह गरे ।

प्रकाशित मिति: मंगलबार, कात्तिक २०, २०८१ १५:११

प्रतिक्रिया दिनुहोस्