पर्सामा नेपाल विद्यालय खेलकुद महासङ्घको जिल्ला कार्यसमिति गठन, अध्यक्षमा चौरसीया

समाचार

गृहपृष्ठ
समाचार

पर्सा पर्सामा नेपाल विद्यालय खेलकुद महासङ्घको जिल्ला कार्यसमिति गठन, अध्यक्षमा चौरसीया

Parsa Online सोमबार, मंसिर ३, २०८१

वीरगञ्ज । पर्सा जिल्लामा विद्यालय स्तरका खेल गतिविधिलाई प्रभावकारी बनाउन नेपाल विद्यालय खेलकुद महासङ्घको जिल्ला कार्यसमिति गठन गरिएको छ ।

आइतबार वीरगञ्जमा सम्पन्न भेलाले आलोक कुमार चौरसियाको अध्यक्षतामा १३ सदस्यीय जिल्ला कार्यसमिति चयन गरेको हो ।

नयाँ कार्यसमितिमा उपाध्यक्ष दिपक साह र राहुल श्रीवास्तव, सचिव अमित आलोक, र कोषाध्यक्ष विजय कुमार बल चयन भएका छन् । सदस्यहरूमा मनीषा सुनुवार श्रेष्ठ, उत्तम गुप्ता, राम दरेस साह, लालबहादुर गुरुङ, विमला गुप्ता, हिमांशु पाख्रिन, राम नरेश यादव, र पृथ्वी आलोक रहेका छन् ।

नेपाल विद्यालय खेलकुद महासङ्घ राष्ट्रिय खेलकुद परिषद् अन्तर्गत रहेको निकाय हो, जसले विद्यालय स्तरमा खेलकुद गतिविधिको प्रवर्द्धन गर्न महत्त्वपूर्ण भूमिका खेल्छ ।

महासङ्घको मुख्य उद्देश्य विद्यालयबाटै खेलकुद प्रतिभा पहिचान गरी उनीहरूलाई राष्ट्रिय र अन्तर्राष्ट्रिय स्तरमा प्रतिस्पर्धा गर्ने अवसर प्रदान गर्नु हो ।

महासङ्घले खेलकुद शिक्षालाई प्रवर्द्धन गर्दै विद्यालयहरूको समन्वयमा खेलकुद प्रतियोगिता, तालिम, र प्रोत्साहन कार्यक्रम सञ्चालन गर्ने अध्यक्ष चौरसीयाले जानकारी दिए । विशेष गरी ग्रामीण र सहरी क्षेत्रका विद्यालयहरूबिच खेलकुदमा सहभागिता बढाउन काम गर्ने आफूहरूले उद्देश्य राखेको चौरसीयाले बताए ।

उनले पर्सा जिल्लाका विद्यालयहरूमा खेलकुदका गतिविधि अझ व्यवस्थित गर्ने र प्रतिभावान् खेलाडी उत्पादनमा ध्यान दिने प्रतिबद्धता पनि जनाएका छन् ।

नेपाल विद्यालय खेलकुद महासङ्घले यसअघि विभिन्न राष्ट्रिय प्रतियोगितामा पनि महत्त्वपूर्ण भूमिका खेलेको छ र विद्यार्थीहरूलाई खेलकुद माध्यमबाट अनुशासन, नेतृत्व विकास, र स्वस्थ जीवनशैलीतर्फ आकर्षित गरिरहेको उनको भनाइ छ ।

प्रकाशित मिति: सोमबार, मंसिर ३, २०८१ १४:५३

प्रतिक्रिया दिनुहोस्