बिरगंज , खाद्य प्रबिधि तथा गुण नियन्त्रण कार्यालय जनकपुरले बिरगंजका होटलहरुको वर्गीकरण तथा लोगो नबिकरण कार्य शुरु गरेको छ । खाद्य प्रबिधि तथा गुण नियन्त्रण कार्यालय जनकपुरले बिरगंजका विभिन्न होटलहरुको भान्साको सरसफाइ , खाद्यजन्य पदार्थ हरुको भण्डारण गर्ने विधि र कोल्डचेन प्रबिधि लगायतको अनुगमन गरि खाद्य स्वच्छता स्तरको आधारमा विभिन्न होटलहरुको स्तर निर्धारण गरि वर्गीकरण शुरु गरेको हो ।
खाद्य प्रबिधी तथा गुण नियन्त्रण कार्यालय जनकपुर को संयोजन एबम खाद्य प्रबिधि तथा गुण नियन्त्रण बिभाग बिरगंजका खाद्य अनुसन्धान अधिकृत सुरेश कुमार सिंहको नेतृत्वमा निस्केको अनुगमन टोलिले बिरगंजको विभिन्न दस वटा होटलहरुको अनुगमन गरेको थियो ।
अनुगमनको क्रममा अनुगमन गरिएका सबै होटलहरुको भान्सा , भण्डारण गरिएको खाद्यजन्य बस्तुहरुको चेकजाँच गर्नुको साथै टेस्टो मिटरद्वारा भन्सामा प्रयोग गरिएका तेलको कोलारिटी समेत जाँच गरिएको खाद्य अनुसन्धान अधिकृत सुरेस कुमार सिंहले बताउनु भयो।
अनुगमन गरिएका दस होटलहरु मध्ये सरोबर प्रोटिक होटल , होटल दियालो र भिस्वा होटल गरि तीन वटा होटलहरुलाइ खाद्य स्वच्छताको आधारमा अति उत्तम (3 स्टार) प्रमाणीकरण गरि लोगो बितरण एबम नवीकरण गरिएको अनुगमन टोलि संयोजन सदस्य , होटल तथा पर्यटन ब्यबसायी संघ पर्साका अध्यक्ष हरि पन्तले बताए । पन्तले लोगो बितरणमा कुनै पनि होटलहरु लाइ पक्षपात हुन नहुने र त्यसो नगरिने प्रतिबद्धता समेत जनाए । पन्तले बिरगंजका सबै होटलहरुलाई खाद्य स्वच्छता अभियानमा सरिक भएर उपभोक्तालाई स्वच्छ र हाइजेनिक फूड र परिकारहरु पस्कन अनुरोध समेत गरे ।
अनुगमन टोलिले
खाद्य स्वच्छताको आधारमा होटल पुजन ,होटल मकालु र अनमोल स्वीटलाइ उत्तममा वर्गीकरण गरेर 2 स्टारको लोगो बितरण गरिएको थियो । त्यसै गरि कन्ट्री इन्न होटल प्रा लि र कैलाश होटल र मेजवान होटललाई 1 स्टारको लोगो दिइएको थियो भने डिलाइट गो रेस्टुरेन्टलाई सामन्यको सन्केत दिएर केहि सुधारको निर्देशन समेत दिइएको थियो । यसै क्रममा अनुगमन टोलिले होटलका संचालकहरु लाई खाद्य स्वच्छता प्रतिबद्धता पत्रमा सहि गराएर हस्तान्तरण गरेको थियो ।
अनुगमन टोलिमा बाणिज्य कार्यालय बिरगंजका सुनिल चौरसिया , बिरगंज उद्योग बाणिज्य संघका मनोज कुमार दास बिरगंज महानगरका प्रतिनिधि बिभा मिश्र लगायत जिल्ला प्रशासन कार्यालय पर्सा र जिल्ला प्रहरी कार्यालयका प्रतिनिधिहरुको पनि उपस्तिथि थियो ।
