मकवानपुरबाट गाँजाको बीउ भित्रयाएर पर्सा जिल्लामा व्यापक गाँजाखेती गरिदै

समाचार

गृहपृष्ठ
समाचार

गाँजाखेती मकवानपुरबाट गाँजाको बीउ भित्रयाएर पर्सा जिल्लामा व्यापक गाँजाखेती गरिदै

Parsa Online मंगलबार, पुस ९, २०८१

पर्सा जिल्लामा यसपटक गाँजाखेती अत्यधिकरूपमा गरिएको छ । करीब डेढ दशकदेखि गाँजाखेती नगन्यरूपमा भएको यो जिल्लामा यस वर्ष व्यापकरूपमा गाँजाखेती गरिएको तर थोरै मात्रामा फँडानी भएको छ ।

गाँजाको बीउ मकवानपुरबाट भि-याएर किसानहरूले खेती गर्दैछन् । ठोरी गाउँपालिकाका विजयबस्ती, गोपीबस्ती, सुवर्णपुरमा ठूलो परिमाणमा गाँजाखेती गरिएको स्रोतले बताएको छ ।

यसैगरी, शङ्करसरैया, भलुवाही खोला बगर, सखुवाप्रसौनी, जीराभवानी गापा, पर्सागढी नगरपालिकामा समेत गाँजाखेती गरिएको छ । प्रहरीले यदाकदा गाँजा फँडानी गरे पनि अहिले गाँजाखेती व्यापकरूपमा गरिएको स्रोतले जनाएको छ ।

नदी किनार, बगर, घरपछाडि, बारीमा र जङ्गल क्षेत्रमा गाँजाखेती फष्टाएको छ । मकवानपुरबाट प्रतिकिलो रु एक हजारमा बीउ ल्याएर पर्सा जिल्लामा गाँजाखेती गरिएको एकजना किसानले बताए । अहिले गाँजाको मूल्य बढेको छ र नेपालमै्र प्रतिकिलो रु १२,००० मा बिक्री भइरहेको छ ।
पर्सा जिल्लामा गाँजाखेती बन्द भएपनि मकवानपुर र धादिङबाट ठूलो परिमाणमा गाँजा पर्सा जिल्ला हुँदै भारतका विभिन्न स्थानमा पु¥याउने कार्य भइरहेको र त्यसमा संलग्न व्यक्तिहरूले मनग्य आम्दानी गरेको देखेर नै अहिले पर्सामा गाँजाखेती पुनः शुरू भएको हो । एकथरी तस्करहरूले मकवानपुर र धादिङबाट गाँजा ढुवानी गरी रकम कमाउने र त्यसको साक्षी प्रहरी बनेको भन्दै पर्साका किसानहरूले पनि गाँजाखेती शुरू गरेका हुन् ।

प्रहरीले देखावाको लागि मात्र छिटपुटरूपमा गाँजा बरामद गरिरहेको तर ठूलो परिमाणमा गाँजा भारत गइरहेको छ । गाँजा तस्करीमा संलग्न व्यक्तिहरूको आम्दानी देखेर नै पर्सामा गाँजाखेती बढेको हो ।

प्रकाशित मिति: मंगलबार, पुस ९, २०८१ १०:१८

प्रतिक्रिया दिनुहोस्