जय ट्रफीका लागि मधेश प्रदेशको टिम घोषणा, हरिशंकरलाई कप्तानको जिम्मेवारी

खेलकुद

गृहपृष्ठ
खेलकुद

मधेश प्रदेश जय ट्रफीका लागि मधेश प्रदेशको टिम घोषणा, हरिशंकरलाई कप्तानको जिम्मेवारी

Parsa Online शनिबार, पुस २०, २०८१

मधेश प्रदेशले जय ट्रफी पुरुष एलिट कपका लागि टिम घोषणा गरेको छ ।

जय ट्रफी पुरुष एलिट कपका लागि मधेश प्रदेशले हरिशंकर साहको कप्तानीमा १५ सदस्यीय टिमको घोषणा गरेको हो । हरिशंकको कप्तानीमा घोषणा गरिएको टिममा अभिषेक तिवारी, रुपेश सिंह, मयन यादव, निरजकुमार यादव, साहिल पटेल, भुलवन सहनी, रञ्जित कुमार, विशाल पटेल र राजेश यादव छन् ।

यसैगरी, प्रदीप पासवान, अफ्रुद्दिन रायन, हिमान्सु दत्त, राहुल मण्डल र शैलेन्द्र साह पनि टिममा परेका छन् । मधेश प्रदेशका नियमित सदस्य तथा नेपाली राष्ट्रिय क्रिकेट टिमका ब्याटर अनिल साहलाई टिममा छैनन् । अनिलले नेपाल प्रिमियर लिग (एनपीएल) का दौरानमा हातमा चोट बोकेकाले जय ट्रफी कप गुमाउने भएका छन् ।

६ पुसमा कीर्तिपुरस्थित त्रिवि क्रिकेट मैदानमा सम्पन्न नेपाल प्रिमियर लिग (एनपीएल) को उपाधि जनकपुर बोल्ट्सलाई जिताएका अनिल चोटका कारण जय ट्रफी नखेल्ने भएका हुन् । अनिलले एनपीएलको दौरानमा हातमा चोट बोकेका थिए । हातमा चोट लागेपछि अनिलले एनपीएलको प्ले अफ र फाइनल खेल गुमाएका थिए ।

मधेश प्रदेशले पहिलो दिन २१ पुसमा बागमती प्रदेशसँग प्रतिस्पर्धा गर्नेछ । नेपाल क्रिकेट संघ (क्यान) को आयोजनामा जय ट्रफी पुरुष एलिट कप मधेश प्रदेशको राजधानी जनकपुर र वीरगन्जमा हुँदै छ । २१ पुसदेखि सुरु हुने प्रतियोगिता ३ माघसम्म चल्नेछ ।

प्रधानमन्त्री कप क्रिकेटमा नेपाल पुलिस क्लब, त्रिभुवन आर्मी, बागमती र मधेश प्रदेशले शीर्ष चारमा स्थान सुरक्षित गरेका थिए । प्रधानमन्त्री कप राष्ट्रिय क्रिकेट प्रतियोगितामा मधेश चौथो भएको थियो ।

प्रकाशित मिति: शनिबार, पुस २०, २०८१ ११:२४

प्रतिक्रिया दिनुहोस्