जनमत पार्टी पर्साको आयोजनामा निशुल्क आँखा शिविर सम्पन्न

समाचार

गृहपृष्ठ
समाचार

जनमत पार्टी पर्साको आयोजनामा निशुल्क आँखा शिविर सम्पन्न

Parsa Online आइतबार, पुस २१, २०८१

जनमत पार्टी पर्साको आयोजनामा निशुल्क आँखा शिविर सम्पन्न भएको छ । वीरगन्ज महानगरपालिका वडा नम्बर १६ इनर्वामा शिविर सम्पन्न भएको हो ।

संसारीमाई धर्मशालामा आयोजित शिविरमा एक सय ४० जनाको आँखाको चेकजाँच गरिएको छ । जसमध्ये ३४ जनामा मोतियाबिन्दुको समस्या फेला परेको जनमत पार्टीका पर्सा अध्यक्ष ओमप्रकाश सर्राफले बताए ।

उनका अनुसार मोतियाबिन्दु देखिएकाहरुको वीरगन्ज सामुदायिक आँखा अस्पतालमा शनिबार निशुल्क शल्यक्रिया गरिनेछ । शिविरमा वीरगन्ज सामुदायिक आँखा अस्पतालका डा. महेश सिंह धामी लगायतको टोलीले आँखाको चेकजाँच गरेका थिए ।

पार्टीले जिल्लाका गरिब तथा विपन्न नागरिकलाई मध्यनजगर गर्दै आँखा चेकजाँचको अभियान सुरु गरिएको बताए । ग्रामिण इलाकाका नागरिकहरु स्वस्थ्य सेवाको पहुँचमा आउनबाट वञ्चित हुने तथा उनीहरुमा सूचनाको अभाव समेत रहने भएकाले अभियान नै चलाएर चेकजाँच सुरु गरिएको उनले जनाए ।

उनका अनुसार यो अभियान निरन्तर चल्नेछ ।
कार्यक्रममा केन्द्रिय सदस्यहरु बिध्यालाल प्रसाद, रम्भा मिश्रा, नेताहरू सुजित चौरसिया, बृजकिसोर कलवार,राजनरायण मिस्रा,नरेश राम,सत्युग साह, सिकेन्द्र राम, संजय सिह,निकेश महतो ,लोकेश कर्ण ,तुलसीराम लगायतको सहभागीता रहेको थियो।

प्रकाशित मिति: आइतबार, पुस २१, २०८१ १६:४०

प्रतिक्रिया दिनुहोस्