विवाह दर्ता र नागरिकता बनाइदिन आग्रह गर्दा आलटाल गर्दै आएका श्रीमानलाई नन्दले खानेखुसी गर्दा तलाकको अवस्थामा पु¥याइदिएको एक पीडित महिलाले गुनासो गरेकी छन् ।
राजविराजमा मंगलवार पत्रकार सम्मेलनको आयोजना गरी सप्तरीको डाक्नेश्वरी नगरपालिका– ७ स्थित ब्रह्मपुर सिघिंया टोलका २२ वर्षीया सनिजा खातुनले यस्तो गुनासो गरेकी हुन् । उनले विवाहको तीन वर्ष हुन लाग्दा पनि श्रीमान मो. आकुवले विवाह दर्ता र नागरिकता नबनाइ दिएको र सो बनाइ दिन आग्रह गर्दा “किन हतार गरेको” भन्दै रिसाउने गरेको बताइन् । हाल उनका श्रीमान आकुव रोजगारीका सिलसिलामा कतारमा छन् ।
डेढ वर्षदेखि कतारमा रहेका श्रीमानलाई नन्द मरियम खातुनले मेरो बारेमा झुटो कुरा लगाइ भड्काएको र अन्त्यमा श्रीमानले ५ महिना अघि फोनबाटै “तलाक” दिएपछि आफु विच्चलीमा परेको उनले बताइन् । पछिल्लो मंसिर १९ गते राति आफू गाउँको एक वैवाहिक कार्यक्रममा सरिक हुन गएका बेला नन्द मरियमले कोठामा रहेको दराजबाट सुनको सिक्री, टिका, नथुनी, अंगुठी गरी करिब ५ तोला र चाँदीको १० तोलाको विभिन्न गरगहना चोरी गरी लगेको आरोप समेत उनले लगाइन् । आफू विरुद्ध नन्द मरियमले समय–समयमा झुटो कुरा लगाएर श्रीमानलाई भड्काउने र अन्त्यमा श्रीमानले फोनबाटै “तलाक” दिँदा आफू घर न घाटकी भएको उनको कथन छ ।
यस विषयमा आफूले नन्द मरियम विरुद्ध जिल्ला प्रहरी कार्यालयमा जाहेरी समेत दिएको उनले बताइन् । जाहेरी मार्फत घरमा चोरी गर्ने तथा आफुलाई “तलाक” सम्मको अवस्थामा पु¥याउने माथि कारबाही हुनु पर्ने उनले माग गरिन् । डेढ वर्षीय छोरा फैजान र ५८ वर्षीया आमा नजिरासंगै न्याय खोज्दै पीडिता सनिजाले विवाह भएपछि विवाह दर्ता र सन्तान जन्मेपछि जन्मदर्ता गराइदिन माग गर्नु स्वभाविक भए पनि श्रीमान र नन्दले यसलाई अपराध गरे जस्तै लिएको गुनासो गरिन् ।
भारतको विहार राज्य कुनौली ग्रामपञ्चायत डंगमारा माइती भएकी सनिजाको २०७८ साल चैत्र ८ गते मो. आकुवसंग मुस्लिम धर्म परम्परा अनुसार मौलानाको उपस्थितीमा विवाह (निकाहनामा) सम्पन्न भएको थियो । छोरीको विवाहमा आफुले १५ लाख रुपैया खर्चेको आमा नजिराले सुनाइन् । ”विवाह भएपछि एक/डेढ वर्ष सम्म ज्वाई र घर परिवारका सबैले छोरीसंग राम्रै व्यवहार गरे । डेढ वर्ष अघि नाति फैजानको जन्म भएको थियो । त्यसपछि विवाह दर्ता र जन्मदर्ताका लागि आग्रह गर्दा छोरीमाथि नन्दबाट चुगली र यातना दिने काम सुरु भएको आमा नजिराको कथन छ । ‘नन्द मरियमकै कारण तलाक समेत दिएर छोरीलाई सम्बन्ध विच्छेदको अवस्था पु¥याइएको छ, अब कति हिंसा सहनु ीमानले दिएको तलाकनामा फिर्ता र उनीसँगै सुरक्षितसाथ बस्ने वातावरण बनाइदिने समेत सबैसँग आग्रह गरिन् ।
सो प्रकरणबारे प्रहरीमा जिज्ञासा राख्दा प्रहरी नायब उपरीक्षक जितेन्द्र कुमार बस्नेतले दुबै पक्षलाई झिकाइ समस्या समाधानको प्रयास थालिएको बताए
