चुरे उत्थानशील आयोजनामा अनियमितताको आरोप, छानबिनको माग

समाचार

गृहपृष्ठ
समाचार

चुरे संरक्षण चुरे उत्थानशील आयोजनामा अनियमितताको आरोप, छानबिनको माग

Parsa Online शुक्रबार, फागुन ९, २०८१

काठमाण्डौ – चुरे तथा वन जंगल संरक्षण अभियानले चुरे उत्थानशील आयोजना अन्तर्गत मधेश प्रदेशको आयोजना व्यवस्थापन इकाई, बर्दिवास (महोत्तरी) मा व्यापक अनियमितता भएको दाबी गर्दै छानबिनको माग गरेको छ।

संघीय संरचनासँगै वन क्षेत्रको सुशासन र प्राकृतिक स्रोत-साधनको संरक्षणका लागि संघर्षरत उक्त अभियानले आयोजना प्रमुखलाई सम्बोधन गर्दै छानबिनका लागि आधिकारिक पत्र पेश गरेको छ।

अनियमितताको आरोप

१. सार्वजनिक खरिद ऐनविपरीत ६० लाख रुपैयाँ बराबरका विभिन्न प्रजातिका बिरुवा खरिद गरिएको।

२. स्थानीय रूपमा उत्पादन भएका बिरुवा नै खरिद गरी रकम दुरुपयोग (भ्रष्टाचार) गरिएको।

३. कागजमा लाखौं बिरुवा उत्पादन तथा खरिद देखाइए पनि वास्तविकतामा त्यसको अस्तित्व नरहेको।

बागमती प्रदेश संयोजक निरा तिम्लसिन र चुरे अभियन्ता नन्दकिशोर रामको नेतृत्वमा पेश गरिएको सो पत्रमा सत्यतथ्य छानबिन गरी दोषीमाथि कानुनी कारबाही गर्न माग गरिएको छ। साथै, छानबिन प्रतिवेदन सार्वजनिक नगरिए अभियानले विरोधमा संघर्ष गर्ने चेतावनी दिएको छ।

प्रकाशित मिति: शुक्रबार, फागुन ९, २०८१ १५:०३

प्रतिक्रिया दिनुहोस्