मर्यादित रुपले होली खेल्न पर्सा प्रहरीको अनुरोध, नियम नमान्नेलाई कारबाहीको चेतावनी

समाचार

गृहपृष्ठ
समाचार

एसपी गौतम मिश्र मर्यादित रुपले होली खेल्न पर्सा प्रहरीको अनुरोध, नियम नमान्नेलाई कारबाहीको चेतावनी

Parsa Online सोमबार, फागुन २६, २०८१

वीरगन्ज । पर्सा प्रहरीले सुरक्षित तथा मर्यादित रुपले होली खेल्न अनुरोध गरेको छ । जिल्ला प्रहरी कार्यालय पर्साले आइतबार सूचनामार्फत १४ बुँदे अनुरोध गरेको हो ।

प्रहरी प्रमुख एसपी गौतम मिश्रले आत्मियजनसँग मात्र होली खेल्न तथा अपरिचितहरुको समूहमा होली नखेल्न अनुरोध गरे । यसैगरी उनले होलीको नाममा कुनै प्रकारका उश्रृङ्खल गतिविधि नगर्न तथा धार्मिक एवम् साम्प्रदायीक सद्भावमा खलल पुर्याउने खालका क्रियाकलाप नगर्न अपील गरेका छन् ।

यस्तै कसैको इच्छा विपरित रंग, लोला, मोबिल, मोसो, केमिकल र फोहोर पानी नछ्याप्न/नलगाउन आग्रह गरिएको छ । छाला तथा आँखामा असर गर्ने केमिकलयुक्त रंग प्रयोग नगर्न, महंगा गरगहना लगाएर होली नखेल्न तथा अपरिचित मानिसले दिएको खानेकुरा नखान प्रहरीको अनुरोध छ ।

त्यसैगरी ट्राफिक नियमको पालना गर्न, मादक पदार्थ तथा लागू पदार्थको गरि सवारी नचलाउन, अशक्त, महिला, बालबालिका, जेष्ठ नागरिकलाई दुर्व्यवहार नगर्न, रेलिङ नभएको छत तथा सडकमा होली नखेल्न प्रहरीको अपील छ ।

भिडभाड हुने स्थानमा पकेटमारी, लुटपाट तथा जस्ता घटनाहरु हुने सम्भावना हुने भएकाले सावधान रहन पर्सा प्रहरीको आग्रह छ । प्रहरीले कुनै आपराधिक हुन लागेको वा भएको थाहा भएमा तत्काल नजिकैको प्रहरी कार्यालय वा पर्सा प्रहरीको नियन्त्रण कक्ष १००/९८५५०२८२८५/९८५५०९०१३६/९८५५०२८२८७ नम्बरमा सम्पर्क गर्न अनुरोध गरेको छ ।

प्रहरीको नियम विपरित जानेलाई कानुनी दायरामा ल्याउने चेतावनी समेत सूचनामार्फत प्रहरीले दिएको छ ।

प्रकाशित मिति: सोमबार, फागुन २६, २०८१ १०:४४

प्रतिक्रिया दिनुहोस्