पोखरिया – पर्साको पोखरियास्थित मालपोत कार्यालयले आजदेखि भू–सेवा सञ्चालन गर्दै ११ जना कानुन व्यवसायीलाई अनुमति तथा प्रमाण पत्र प्रदान गरेको छ।
मालपोत कार्यालय पोखरियाले फागुन २३ गते सूचना प्रकाशित गरी कानुन व्यवसायीहरूलाई अनुमति दिने प्रक्रिया अघि बढाएको थियो। उक्त सूचनाको म्याद चैत्र ८ गते सकिएपछि आज ११ जना कानुन व्यवसायीलाई प्रमाण पत्र वितरण गरिएको सूचना अधिकारी रामरेखा प्रसाद चौरसिया ले जानकारी दिए।
त्यस अवसरमा भू–सेवा प्रविधिबाट ८ जना सेवाग्राहीले सेवा लिएको समेत चौरसियाले बताए।
अनुमति पत्र प्राप्त गर्ने कानुन व्यवसायीहरूमा आर. बी. साह, बलिराम साह, सुरेन्द्र साह कानु, जन्मजय महतो, रामानन्द यादव, रुकेश गोढ, विराज गिरी, राजेश कानु, कमलेश पटेल, जगदीश राउतर मनिष साह रहेका छन।
मालपोत कार्यालय पोखरियाका प्रमुख रामजी प्रसाद साह को अध्यक्षतामा सम्पन्न कार्यक्रममा प्रमुख अतिथि पोखरिया नगरपालिकाकी नगर उपप्रमुख रूबी कुमारी ठाकुर रहनुभएको थियो।
त्यसैगरी, वडा अध्यक्ष नौसाद आलम, नेकपा एमाले पोखरिया नगर कमिटी अध्यक्ष विन्ध्याचल ठाकुर, शिक्षक पारस ठाकुर, समाजसेवी मनोज कुर्मी, नगर प्रहरी, संचारकर्मी तथा कार्यालयका कर्मचारीहरूको पनि उल्लेखनीय उपस्थिति रहेको थियो।
भू–सेवा सञ्चालनसँगै सेवाग्राहीहरूलाई सहज रूपमा सम्पत्ति सम्बन्धी सेवा प्राप्त गर्न मद्दत पुग्ने मालपोत कार्यालयले जनाएको छ।
