चिसो बढेसँगै छाला सुख्खा र रुखो हुन थाल्छ । छालाको नरमपन तथा चमक हराउन थाल्छ । त्यसले गर्दाजाडोमा विभिन्न प्रकारका छालासम्बन्धी समस्या देखिन्छन् । हातखुट्टा सुख्खा हुने, फुट्ने, पोल्नेसमस्या चिसोकै कारण उत्पन्न हुन्छन् । त्यसैले चिसोमा छालाको विशेष ध्यान दिनुपर्छ ।
मोस्चराइजर क्रिम जरुरी
चिसो मौसम बढेसँगै वायुमण्डलमा प्रदूषण बढ्छ । जसले गर्दा छालाको नमी सोस्छ र छाला सुख्खा हुन्छ । यस्तो छालामा मोस्चराइजर क्रिमको आवश्यकता पर्छ । मोस्चराइजरले छालालाई हाइड्रेट गर्छ । त्यसैले भिटामिन ईयुक्त मोस्चराइजरको प्रयोग गर्नुपर्छ । जाडो मौसममा आयल बेस्ड मोस्चराइजर लगाउनुपर्छ । आयल बेस्ड मोस्चराइजरले छालालाई सुरक्षा प्रदान गर्छ । मोस्चराइजरको प्रयोग राति सुत्नुभन्दा अघि पनि गर्नुपर्छ ।
माइल्ड स्क्रब
जाडोमा छालामा मृत छाला बढी जम्छ । यसबाट बच्नका लागि सातामा दुई पटक माइल्ड स्क्रब गर्नुपर्छ । यसले मृत छालालाई हटाएर अनुहारको चमक बनाइराख्छ ।
नरिवल तेलको प्रयोग
नरिवलको तेलले छालालाई नरम बनाइराख्न सहयोग गर्छ । पूरै शरीरमा नरिवलको तेलले मालिस गर्दा छाला सुख्खा हुँदैन र छाला चिलाउने समस्याबाट पनि छुटकारा मिल्छ । नुहाउनु एक घण्टाअघि र नुहाएपछि पनि छालामा नरिवलको तेल लगाउन सकिन्छ ।
काँचो दूधको प्रयोग
अनुहारको छाला एकदमै सुख्खा छ भने काँचो दूध प्रयोग गर्न सकिन्छ । दूध पूरै अनुहारमा लगाएर हल्का हातले मसाज गरी केही समयपछि मनतातो पानीले पखाल्न सकिन्छ वा रातभर छोडेर बिहान पखाल्न पनि सकिन्छ । यसले छाला नरम बनाउँछ ।
सनस्किनको प्रयोग
धेरैले जाडोमा सनस्किनको प्रयोग आवश्यक ठान्दैनन् तर जाडोमा पनि सनस्किनको प्रयोग गर्नुपर्छ । जाडो मौसममा घाम ताप्ने भएकाले सूर्यको हानिकारक विकिरणले छालालाई असर पार्न सक्छ । त्यसैले, घाममा निस्कनु करिब आधा घण्टा पहिले अनुहार तथा हातमा सनस्किन लगाउनुपर्छ । प्रत्येक तीन घण्टाको फरक पारी सनस्किन लगाइराख्नुपर्छ ।
मनतातो पानीको प्रयोग गर्ने
चिसो मौसममा तातो पानीले अनुहार धुने वा नुहाउने गरिन्छ । तर, अधिक तातोपानीको प्रयोग गर्दा छाला सुख्खा हुन्छ । जाडोमा छाला सुख्खा हुन नदिन सकेसम्म तातोपानीको साटो मनतातो पानीको प्रयोग गर्नुपर्छ । यसले छालाको प्राकृतिक तेल बनाइराख्न मद्दत गर्छ ।
बढी एक्सफोलिएट नगर्ने
छालालाई एक्सफोलिएट गर्दा मृतकोशिका हट्छन् । छालामा जम्मा भएका मृतकोशिकाले छाला भित्र पोषण पुग्न दिँदैनन् । त्यसैले जति मोस्चराइजर क्रिम लगाए पनि छाला सुख्खा देखिन्छ । जाडोमा पनि एक्सफोलिएटको आवश्यकता पर्छ । तर जाडो मौसममा धेरै एक्सफोलिएट गर्दा छाला सुख्खा र रुखो हुन्छ ।
हातको हेरचाह
हातमा तैलीय ग्रन्थि कम हुने भएकाले शरीरका अन्य भागको तुलनामा हात सुख्खा हुन्छन् । हात चिलाउने, फुट्ने, चिरा पर्ने समस्या यो मौसममा बढ्छ । त्यसैले हातमा नियमित रूपमा मोस्चराइजर लगाउनुपर्छ ।
पैतालाको हेरचाह
जाडोमा पैताला फुट्ने, चिरा पर्ने हुन्छ । पैतालाको हेरचाहको लागि ग्लिसिरिनयुक्त लोसन प्रयोग गर्नुपर्छ । यसले पैतालाको छालालाई नरम बनाइराख्छ र मृत छालालाई हटाउँछ ।
प्रशस्त पानी पिउने
चिसो मौसममा धेरैजसोले पानी कम पिउँछन् । शरीरलाई डिहाइड्रेसन गर्न पानी आवश्यक पर्छ । शरीरमा पानीको कमीले छाला सुख्खा हुन्छ । छालालाई चमक कायम राख्नका लागि नियमित रूपमा पानी पिउनुपर्छ ।
स्वस्थ आहार खाने
छालालाई हाइड्रेट राख्नका लागि नियमित हेरचाहका साथै शरीरलाई हाइडे«ट बनाउने खानाको पनि आवश्यक पर्छ । ओखर, एभोकाडो, आलस, माछा, चिया सिड्सको सेवन बढी गर्नुपर्छ । यस्ता खानेकुराले छालालाई हाइडे«ट राख्छन् । आवश्यक भिटामिनका साथै ओमेगा फ्याटी एसिडयुक्त खानेकुरा समावेश गर्नुपर्छ । सुन्तला, स्ट्रबेरीले शरीरलाई हाइड्रेट बनाउँछन् ।
-1735901553.jpg)
-1735901553.jpg)
