आज शनिवार , शनिदेवको दिन ,साथै शनि प्रदोष ब्रत

धर्म /संस्कृति

गृहपृष्ठ
धर्म /संस्कृति

शनि प्रदोष व्रत आज शनिवार , शनिदेवको दिन ,साथै शनि प्रदोष ब्रत

Parsa Online शनिबार, चैत २४, २०८०

आज २०८० साल चैत २४ गते शनिवार तदनुसार सन् २०२४ अप्रिल ६ तारिख। आजको दिन शनि प्रदोष ब्रत परेको छ । जान्नुहोस आजको दिन ब्रत बस्नाले के कस्ता लाभ प्राप्त गर्न सकिन्छ ?

शनि प्रदोष व्रत
प्रदोष भनेको के हो ?
त्रयोदशीलाई प्रदोष भनिन्छ । एकादशीमा विष्णुलाई स्मरण गरिन्छ भने प्रदोषमा भगवान शिवको स्मरण गरिन्छ ।

प्रदोष काल सूर्यास्त हुनुभन्दा ४५ मिनेट अगाडि सुरु हुन्छ र सूर्यास्तको ४५ मिनेटपछि समाप्त हुन्छ। प्रदोष कथा चन्द्रमाको क्षय हुने रोग अर्थात् चन्द्रमाको प्रभाव कम हुँदै जाने अवस्थामा भगवान् शिवले त्रयोदशीका दिन चन्द्रमाको रोग निवारण गरिदिनुभएको शास्त्रमा उल्लेख छ । यस कारणले हरेक महिनाको त्रयोदशीमा भगवान् शिवको स्मरण गर्दै प्रदोष व्रत लिइन्छ।

शनिबारका दिन प्रदोष व्रत परेकाले शनि प्रदोष व्रत भनिएको हो ।

प्रदोष व्रत कहिले गर्ने र ?
प्रदोष व्रतको पूजा आफ्नो नगरको सूर्यास्तको समय अनुसार प्रदोष कालमा गर्नुपर्छ।

प्रदोषमा के नगर्ने र?
प्रदोषको समयमा भगवान् शिवको पूजा नगरी भोजन नगर्नुहोस्। व्रत बस्दा खाना, नुन, खुर्सानी आदिको सेवन नगर्ने ।

प्रदोष व्रतमा पूजा गर्दा थालमा के(के राख्ने ?
पूजाको थालीमा अबीर, चन्दन, कालो तिल, फूल, धतुरा, बिल्व पत्र, शमी पत्र, जनै, दीप, कपूर, अगरबत्ती र फलफूल राखेर पूजा गर्नाले बिशेष शुभफल प्राप्त हुन्छ भन्ने जनबिश्वास रहिआएको छ । ।

प्रकाशित मिति: शनिबार, चैत २४, २०८० ०७:२४