हिन्दूहरुको नववर्षको अवसरमा वीरगञ्जमा प्रथम ज्योतिष दिवस कार्यक्रम मनाइने

धर्म /संस्कृति

गृहपृष्ठ
धर्म /संस्कृति

हिन्दूहरुको नववर्षको अवसरमा वीरगञ्जमा प्रथम ज्योतिष दिवस कार्यक्रम मनाइने

Parsa Online शनिबार, चैत २४, २०८०

हिन्दूहरुको नववर्षको अवसरमा वीरगञ्जमा प्रथम ज्योतिष दिवस कार्यक्रम मनाइने छ । प्रथम ज्योतिष दिवस तथा हिन्दूहरुको नववर्षको अवसरमा यहि चैत २७ गते मंगलबारका दिन शुभकामना आदान प्रदान कार्यक्रम गरि मनाइने छ ।

नेपाल ज्योतिष परिषद् केन्द्रिय समिति तथा विश्व ज्योतिष महासंघ मधेस प्रदेशका पदाधिकारीहरुको शनिबार बसेको संयुक्त बैठकले शुभकामना आदान प्रदान गर्दै दिवस मनाउने निर्णय गरेको हो ।

सोहि दिन देखी चैत नवरात्री सुरु हुने भएकाले कार्यक्रम माईस्थान मन्दिरको प्राङ्गणमा बिहान ८ बजे हुने विश्व ज्योतिष महासंघको एसिया उपसभापति ज्योतिष सम्राट पुरुषोत्तम दुवेले बताए ।

हिन्दू नयाँ वर्ष अर्थात वैदिक पञ्चांगका अनुसार हरेक वर्ष चैत्र महिनाको शुक्ल पक्षको प्रतिपदा तिथिबाट सुरु हुन्छ । गते अनुसार बैशाख १ गतेदेखि नयाँ वर्ष सुरु भएको मानिने भए पनि तिथीअनुसार भने चैत्र शुक्ल प्रतिपदा देखी नयाँ वर्ष सुरु भएको ज्योतिष दुवेले बताए ।

ब्रहमा पुराणका अनुसार सृष्टिको आरम्भ यसै दिनबाट भएको थियो । यसै दिनबाट काल गणना तथा सतयुगाको सुरुवात भएको मानिन्छ र यहिदिनबाट ज्योतिष दिवसको रुपमा मनाईने गरिएका पण्डित दुवेको भनाई छ ।

सो छलफलमा नेपाल ज्योतिष परिषद्का केन्द्रिय उपाध्यक्ष ज्योतिष मदन चौबे , पर्साका अध्यक्ष ज्यो.सुरेन्द्र नाथ तिवारी, ज्यो नारायण तिवारी, ज्यो लालबाबु पांडे शास्त्री, ज्यो. राजीव रंजन भारद्वाज,ज्यो. दिनेश तिवारी लगायत पंडित उदयकांत झा को उपस्थितिमा कार्यक्रम गरिने निर्णय भएको छ ।

प्रकाशित मिति: शनिबार, चैत २४, २०८० ०९:३१

प्रतिक्रिया दिनुहोस्